Pashinyan Ozarbayjon bilan tinchlik shartnomasini imzolashga tayyor ekanini aytdi
Armaniston bosh vaziri AQShda Turkiya prezidenti Rajab Toyyib Erdoʻgʻon bilan uchrashgan.
Armaniston bosh vaziri Nikol Pashinyan Nyu-Yorkda BMT Bosh assambleyasi sessiyasi doirasida Turkiya prezidenti Rajab Toyyib Erdoʻgʻon bilan uchrashdi.
Unda bosh vazir Yerevan Ozarbayjon bilan tinchlik shartnomasini imzolashga tayyorligini aytdi.
“Pashinyan prezident Erdoʻgʻonni Armaniston-Ozarbayjon kelishuv jarayonidagi mavjud vaziyat, munosabatlarni tartibga solish boʻyicha kelishuv imzolashga tayyorligi, shuningdek, Armaniston hukumatining "Dunyo chorrahasi" tashabbusi haqida maʼlumot berdi”, — deyiladi xabarda. Bu haqda Armaniston hukumati matbuot xizmati xabar berdi.
Pashinyan va Erdoʻgʻon "Armaniston-Turkiya munosabatlarini normallashtirish jarayoni doirasida allaqachon qilingan qadamlar va mavjud kelishuvlarni batafsil muhokama qilishdi", deyiladi xabarda.
"Tomonlar kelishuv jarayonini hech qanday shartlarsiz davom ettirishga va munosabatlarga yangi turtki berishga tayyorligi taʼkidlandi", — deyiladi xabarda.
Eslatib oʻtamiz, 2023 yil 19 sentabrda Ozarbayjon Qorabogʻda amaliyot oʻtkazib, hududiy yaxlitligini tiklagandi. Lekin hanuz mamlakat Armaniston bilan tinchlik shartnomasini imzolagani yoʻq.