Oʻzbekistonning Qirgʻizistondagi yangi elchisi tayinlandi
Saidikrom Niyozxoʻjayev avval Qozogʻistonda elchi sifatida ishlagan. U Xurshid Mirzohidov oʻrnini egalladi.
Oʻzbekistonning yangi tayinlangan Favqulodda va Muxtor Elchisi Saidikrom Niyozxoʻjayev Qirgʻiziston poytaxtiga keldi.
Saidikrom Niyozxoʻjayev Bishkekka tayinlanishidan oldin, 2018 yildan buyon Oʻzbekistonning Qozogʻistondagi Favqulodda va Muxtor elchisi lavozimida ishlab kelayotgan edi. Diplomat 2024 yil avgust oyida amalga oshirilgan ulkan ishlar va ikki tomonlama munosabatlarni mustahkamlashga qoʻshgan katta hissasi uchun Qozogʻiston Prezidentining farmoni bilan II darajali "Dostыq" ordeni bilan taqdirlangan.
Elchi Saidikrom Niyozxoʻjayev 59 yoshda. Toshkent politexnika institutini (hozirgi Toshkent davlat texnika universiteti) tamomlagan. 2015 yilda Oʻzbekiston tashqi ishlar vaziri oʻrinbosari etib tayinlanguniga qadar Prezident Administratsiyasi va hukumat tuzilmalarida masʼul lavozimlarda, jumladan, davlat maslahatchisi oʻrinbosari, iqtisodiyot vaziri oʻrinbosari boʻlib ishlagan.
Saidikrom Niyozxoʻjayev 2020-2024 yillarda Oʻzbekistonning Bishkekdagi diplomatik missiyasiga rahbarlik qilgan Xurshid Mirzohidov oʻrniga tayinlandi.