Qirgʻizistonda amaldorlarga avtobusda yurishga koʻrsatma berildi
Prezident maʼmuriyati Bishkek meriyasining xizmatchilarning shaxsiy avtomobillardan foydalanishini cheklash boʻyicha tashabbusini qoʻllab-quvvatlagan.
Qirgʻizistonda amaldorlarga ishga avtobusda borishga koʻrsatma berildi.
Prezident maʼmuriyati Bishkek meriyasining munitsipal xizmatchilarning shaxsiy avtomobillardan foydalanishini cheklash boʻyicha tashabbusini qoʻllab-quvvatladi, deb yozadi 24.kg nashri.
Koʻrsatma vazirlik va idoralarga yuborilgan – xodimlarga seshanba va payshanba kunlari jamoat transportidan foydalanish tavsiya etiladi.
“Bu tashabbus shahardagi transport holatini yaxshilash, jamoat transportiga boʻlgan talabni oshirish va yoʻllardagi tirbandlikni kamaytirishga qaratilgan" deyiladi rasmiy izohda.
Shahar hokimiyati ushbu qoidani 2024 yil may oyida oʻz xodimlari uchun joriy qilgan va allaqachon cheklovga rioya qilmagan xodimlarni jazolamoqda.