Behzod Musayev Tashqi mehnat migratsiyasi agentligi rahbari etib tayinlandi
Agentlik hukumat boʻysunuviga oʻtkaziladi.
Bandlik vaziri lavozimidan olingan Behzod Musayev Tashqi mehnat migratsiyasi agentligini boshqaradi.
Davlat rahbari mamlakat oldida tashqi mehnat migratsiyasi sohasida ochilayotgan ulkan imkoniyatlarni toʻliq ishga solish zarurligini taʼkidladi.
Shu munosabat bilan Tashqi mehnat migratsiyasi agentligi Hukumat boʻysunuviga oʻtkaziladi va Bexzod Musayev unga rahbar etib tayinlanadi.
Agentlikka fuqarolarning xorijdagi yuqori daromadli mehnat bozorlariga kirishi boʻyicha boshlangan ishlarni jadallashtirish topshirildi.
Hokimlar va xorijdagi diplomatik vakolatxonalar xorijda mehnat qilayotgan yurtdoshlarimiz taqdiri uchun agentlik bilan tengma-teng javobgar boʻlishi belgilandi.