Erondagi konda gaz portlashi sabab 51 kishi halok boʻldi
Prezident Pezeshkiyon hodisa boʻyicha tergov boshlanganini aytdi.
Eronning Janubiy Xuroson viloyati Tabas shahridagi koʻmir konida sodir boʻlgan portlashda kamida 51 kishi halok boʻldi, 20 kishi jarohatlandi.
Bu haqda Al-Jazeera telekanali xabar berdi.
Portlash Tehrondan 540 km janubi-sharqda joylashgan kompaniyaning Madanjoo konida metan sizib chiqishi natijasida sodir boʻlgan.
Portlash paytida B va C1 bloklariga boʻlingan konda 69 kishi ishlagan. B blokida qutqaruv operatsiyasi yakunlandi: 47 ishchidan 30 nafari halok boʻldi, 17 nafari yaralandi. C blokida qutqaruv ishlari davom etmoqda, ammo metanning yuqori zichligi jarayonni murakkablashtiradi, bu esa yana bir necha soat davom etishi mumkin.
Eron prezidenti Maʼsud Pezeshkiyon BMT Bosh Assambleyasiga borishga hozirlanar ekan, qamalib qolganlarni qutqarish va ularning oilalariga yordam berish uchun barcha saʼy-harakatlarini amalga oshirishini aytdi. U, shuningdek, voqea yuzasidan tergov boshlanganini ham maʼlum qildi.
Bu fojia Eron togʻ-kon sanoati tarixidagi birinchi hodisa emas. 2017 yilda koʻmir konida sodir boʻlgan portlashda 42 kishi halok boʻlgan, 2013 va 2009 yillarda esa alohida hodisalarda mos ravishda 11 va 20 ishchi halok boʻlgan. Bunday ofatlarning sabablari koʻpincha xavfsizlik standartlarining qoniqarli emasligi va favqulodda xizmatlar tizimidagi kamchiliklar bilan izohlanadi.