Yovvoyi hayvonlarni uyda saqlash va tomoshalarda foydalanish taqiqlanyapti
Bunday jonzotlar hayvonot bogʻlaridagi reabilitatsiya markazlariga, okeanariumlar, pitomnik va ilmiy-tadqiqot muassasalariga topshiriladi.
Endi yovvoyi hayvonlarni uy sharoitida, sirk va shapitolarda saqlash hamda tomoshalarda foydalanish taqiqlanadi. Prezidentga qilingan taqdimotda shu haqda soʻz boradi.
"Sohadagi yana bir muammo yovvoyi hayvonlarni asrash bilan bogʻliq. Ularni xonadonlarda boqish huquqiy jihatdan tartibga solinmagan", deyiladi prezident matbuot xizmati xabarida.
Jismoniy shaxslar ixtiyoridagi hamda sirklarda saqlanuvchi bunday jonzotlar hayvonot bogʻlaridagi reabilitatsiya markazlariga, okeanariumlar, pitomnik va ilmiy-tadqiqot muassasalariga topshirilishi belgilanmoqda.