Yoʻl qoidasini buzgan tez yordam va yongʻin mashinalari ham radarga tushadi
Tez yordam va oʻt oʻchiruvchilarga qoidabuzarlik jarimasini bekor qilishda hujjat taqdim etish talabi bekor qilinadi.
Yoʻl qoidasini buzgan tez yordam va yongʻin mashinalari ham radarga tushadi.
Senat yalpi majlisida "Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartirish va qoʻshimchalar kiritish haqida"gi Qonun koʻrib chiqildi.
Tez tibbiy yordam hamda yongʻin-qutqaruv boʻlinmalari transport vositalari katta tezlikda yoki yoʻl belgilariga rioya etmay harakatlanishi bilan bogʻliq holatlar mavjud.
Bunday holatlar, oʻz navbatida, foto- va video texnik vositalar orqali qayd etilmoqda.
Maʼmuriy javobgarlik toʻgʻrisidagi kodeksning 171-moddasiga asosan yuqorida koʻrsatilgan holat yuzaga kelgan hollarda, tez tibbiy yordam va yongʻin-qutqaruv boʻlinmalari xizmatlari tomonidan xizmat vazifalarini bajarganliklarini tasdiqlovchi hujjatlar taqdim etilgan taqdirda, maʼmuriy ish MJtKning 271-moddasi asosida tugatilishi belgilangan.
Muhokama qilingan Qonun orqali amaliyotga kiritilayotgan oʻzgartirishlarga asosan tez tibbiy yordam va yongʻin-qutqaruv boʻlinmalarining transport vositalari tomonidan kechiktirib boʻlmaydigan xizmat vazifalarini bajarganlikni tasdiqlovchi hujjatlar taqdim etilishi talabi bekor qilinmoqda.
Qayd etish joiz, Toshkent shahrida 2023 yil iyun oyidan boshlab oʻtkazilgan reyd tadbirlarida individual harakatlanish vositalari boshqaruvchilari tomonidan 200 dan ortiq yoʻl harakati qoidalari buzilganligi aniqlangan.