Livan boʻylab yirik kiberhujum: 20 kishi halok boʻldi
Mamlakatda ikki kun davomida minglab aloqa qurilmalari portladi. Hodisalar ortida Isroil xavfsizlik xizmati turgani aytildi.
Livan boʻylab aloqa qurilmalariga yirik kiberhujum uyushtirildi. Natijada peyjerlar, telefonlar va boshqa qurilmagan portlab ketgan.
Mazkur hodisalar oqibatida boʻlganlar soni 20 kishiga yetdi, deb xabar bermoqda Livan Sogʻliqni saqlash vazirligi.
18 sentabr kuni sodir boʻlgan portlashlarda 14 kishi halok boʻlgani, 450 kishi jarohatlangani avvalroq xabar qilingan.
Bu haqda Al-Jazira telekanali Livan Sogʻliqni saqlash vazirligiga asoslanib xabar bermoqda. U qurbonlar soni haqida aniq maʼlumot bermagan, biroq «yuzlab» odamlar yaralanganini qayd etgan.
17 sentabr kuni peyjerlar butun Livan boʻylab portlashni boshladi. 12 kishi halok boʻldi, 4 mingdan ortiq kishi jarohat oldi. Livan hukumati Isroilni aybladi. Reuters agentligining yozishicha, Isroil razvedka xizmati Mossad Livanning Hizbulloh harakati tomonidan sotib olingan 5 mingta qurilmaga portlovchi moddalar oʻrnatgan. 18 sentabr kuni butun mamlakat boʻylab boshqa qurilmalar – noutbuklar, ratsiyalar, portativ radiolar portlashni boshladi.
Ayrim maʼlumotlarga koʻra, portlashlar ortida Isroil maxsus kuchlari, yaʼni "Mossad" tashkiloti turibdi. Ular Tayvan kompaniyasi ishlab chiqargan qurilmalarni minalashtirishga muvaffaq boʻlishgan.
Ushbu hodisa Livan va Isroil oʻrtasida haqiqiy urush chiqish xavfini oshirdi. Isroil 98-harbiy diviziyasini Gʻazo janubidan olib, Livan chegaralariga olib kelgani maʼlum boʻldi. Hizbulloh ham portlash uchun yahudiy davlatiga munosib javob boʻlishi haqida bayonot berdi.