Shoira Bibisora Turobova vafot etdi
U "Kelin salom", "Men izlagan quvonch" kabi oʻnga yaqin sheʼriy kitoblar muallifidir.
Oʻzbekiston Yozuvchilar uyushmasi aʼzosi, taniqli shoira Bibisora Turobova 2024 yil 15 sentabr kuni vafot etdi.
Bibisora Turobova 1952 yil 1 sentabrda Samarqand (hozirgi Navoiy) viloyati Hatirchi tumanida tugʻilgan.
Oʻrta maktabdan keyin Maktabgacha taʼlim texnikumida oʻqib, soʻng Samarqand davlat pedagokogika institutida taʼlim olgan.
1990 yillarda Oʻzbekiston Yozuvchilar uyushmasiga aʼzo boʻlgan.
Oʻnga yaqin sheʼriy kitoblari nashr etilgan. Ayniqsa, "Kelin salom" va "Men izlagan quvonch" sheʼriy kitoblari katta eʼtibor topdi.
Marhuma bugun soat 12:20da Doʻrmon ijod uyi 19-dala hovlidan chiqariladi. Janoza namozi Doʻrmon masjidida oʻqiladi.
