Ommaviy tadbirlarda xavfsizlik choralari kuchaytiriladi
Tadbirlarda favqulodda holatlar, elektr va yongʻin xavfsizligi, evakuatsiya masalalari boʻyicha guruhlar tashkil etilishi mumkin.
Oʻzbekistonda boʻlib oʻtadigan ommaviy tadbirlarda xavfsizlik choralari kuchaytiriladi va favqulodda holatlarni oldini olish tizimlari takomillashtiriladi. Bu haqda Vazirlar Mahkamasi qarorida maʼlum qilingan.
Unga koʻra, ommaviy tadbirlarda favqulodda holatlar, elektr va yongʻin xavfsizligi, evakuatsiya masalalari boʻyicha guruhlar tashkil etilishi mumkin.
Ommaviy tadbirlarda ishchi guruh xavfsizlik talablarini tekshiradi, aniqlangan kamchiliklarni bartaraf etish chora-tadbirlarini koʻradi.
Favqulodda holatlarda aholi evakuatsiya va boshqv ishlarning qiyinlashishini oldini olish maqsadida matn ishlab chiqiladi, uzatish vositalari orqali xabar berib boriladi.
Ommaviy tadbirlarga kirishga transport harakatlarini cheklaydigan fizik toʻsiqlar oʻrnatilishi taʼminlanadi.
