Toshkentda kuz-qish mavsumiga tayyorgarlik uchun 732 mlrd soʻmdan oshiq pul sarflanadi
Ijtimoiy soha obʼektlarini mukammal va joriy taʼmirlashga 2 mlrd 793 mln soʻm berilishi koʻzda tutilgan.
Toshkent shahar hokimi Shavkat Umrzoqov iqtisodiyot tarmoqlari, ijtimoiy soha obʼektlari, koʻp kvartirali uy-joy fondini 2024/2025 yillar kuz-qish davrida barqaror ishlashga tayyorlash toʻgʻrisidagi farmoyishni imzoladi.
Farmoyishning 3-ilovasiga koʻra, kuz-qish mavsumiga tayyorgarlik uchun jami 732 mlrd 624,5 mln soʻm talab etiladi. Buning uchun respublika byudjetidan ajratiladigan mablagʻlar 2 mlrd 793 mln soʻmni tashkil etsa, BSK va korxonalar mablagʻlari 729 mlrd 830 mln soʻm miqdorida belgilangan.
Ilovaga koʻra, mablagʻlar quyidagicha taqsimlanadi: koʻp kvartirali turar joylar fondini mukammal va joriy taʼmirlashga 58 mlrd 930 mln, issiqlikijtimoiy soha obʼektlarini mukammal va joriy taʼmirlashga 2 mlrd 793 mln soʻm beriladi, issiqlik taʼminoti va asbob-uskunalarni barqaror ishlashga tayyorlashga 623 mlrd 848 mln soʻm, ichimlik suvi obʼektlariga 27 mlrd 208 mln soʻm, elektr tarmoqlari va qurilmalarga 2 mlrd 996 mln soʻm berilishi lozim boʻladi.
Shuningdek, gaz taʼminoti obʼektlari va qurilmalariga 16 mlrd 846 mln soʻm, ijtimoiy soha obʼektlarini mukammal va joriy taʼmirlashga 2mlrd 793 mln soʻm beriladi.