“Oʻzbektelekom” quyosh panellari samaradorligidan keng foydalanmoqda
Kompaniyaning Navoiy filiali tomonidan Nurota tuman telekommunikatsiya bogʻlamasining maʼmuriy binosiga bir oyda 8200 kVt/soat elektr energiya ishlab chiqish quvvatiga ega quyosh panellari oʻrnatildi.
Bugungi kunda soha obʼektlarida energiya tejovchi texnologiyalar va muqobil energiya manbalaridan foydalanish oʻz samaradorligini koʻrsatmoqda.
Shundan kelib chiqqan holda “Oʻzbektelekom” AK tomonidan ham tarmoqdagi xizmat koʻrsatish obʼektlarida zamonaviy quyosh panellari oʻrnatilyapti.
Xususan, Kompaniyaning Navoiy filiali tomonidan Nurota tuman telekommunikatsiya bogʻlamasining maʼmuriy binosiga hudud aholisini uzluksiz telekommunikatsiya xizmatlari bilan taʼminlash maqsadida bir oyda 8200 kVt/soat elektr energiya ishlab chiqish quvvatiga ega quyosh panellari oʻrnatildi.
Aytish joizki, mazkur yoʻnalishdagi faoliyatlar Kompaniyaning respublika kesimidagi barcha filiallarida davom ettirilmoqda.