Taniqli bastakor Musaxon Nurmatov vafot etdi

Oʻzbekistonda xizmat koʻrsatgan madaniyat xodimi, taniqli bastakor Musaxon Nurmatov 56 yoshida vafot etdi.  

U 1968 yili Fargʻona viloyatida tugʻilgan edi. 

Musaxon Nurmatov 1990 yillar oxiri,  2000 yillar boshida oʻzbek milliy etrada sanʼatidagi yuzlab qoʻshiqlarning musiqasi muallifidir. 

U Ozodbek Nazarbekov,  Botir Qodirov,  Abdurashid Yoʻldoshev,  Farhod Saidov,  Alisher Fayz,  Mansurxon Nurmatov, Adham Soliyev,  Dilsoʻz kabi mashhur  qoʻshiqchilar qatori oʻnlab isteʼdodli yosh ijrochilar qoʻshiqlarini bastalagan. 

Uning "Laylim",  " U goʻzal boshqa", "Adashdim",  "Yana sogʻindim,  yana", "Meni sevib qolsayding", "Xabaring yoʻq", "Qizmi bu,  kiyikmi bu",  "Davraga tushgan goʻzal",  "Oh,  mani vatanim bu",  " Kelin boʻlib ketar boʻlding Laylo",   "Toʻlin oy", "Naysonim Vatan"  kabi oʻnlab qoʻshiqlari mashhur.