Futzal jahon chempionati: terma jamoalar Oʻzbekistonga kelmoqda
Ispaniya, Kuba va Afgʻoniston kabi jamoalar futzal chempionatidagi ishtirok uchun mamlakatga yetib keldi.
Oʻzbekistonda boʻlib oʻtadigan futbol boʻyicha jahon chempionati ishtirokchilari mamlakatga yetib kelmoqda.
Chempionat oldidan muhim tadbir boʻlib oʻtdi. Oʻzbekiston Respublikasi Ichki ishlar vazirligi, Milliy gvardiya, Favqulodda vaziyatlar vazirligi, Sport vazirligi hamda 2024 yilgi futzal boʻyicha Jahon chempionati tashkiliy qoʻmitasi va FIFA vakillari ishtirokida yaqinlashib kelayotgan Jahon chempionatining Xavfsizlik konsepsiyasi imzolandi.
Xavfsizlik konsepsiyasining imzolanishi turnirga tayyorgarlikning majburiy bosqichi boʻlib, musobaqaning muvaffaqiyatli oʻtishini taʼminlashda muhim jarayon hisoblanadi.
Xavfsizlik konsepsiyasini ishlab chiqish huquqiy-meʼyoriy bazani, shuningdek, bu kabi yirik miqyosdagi turnirlarni tashkil etish boʻyicha xalqaro talablarni har tomonlama tahlil qilish natijasida yuzaga keladi.
Ushbu konsepsiyani ishlab chiqish jarayonida orttirilgan tajriba va bilim kelajakda xalqaro turnirlarni tashkil etish, oʻtkazish va bu tajribani butun dunyo boʻylab ulashish imkoniyatini taqdim etadi.
Shuningdek, chempionat ishtirokchilari Oʻzbekistonga kela boshladi. Ular orasida Afgʻoniston, Kuba va Ispaniya kabi termalar ham bor.
