Husniddin Norbekov tarixiy natija qayd etdi

Tarixiy natija: Husniddin Norbekov Paralimpiya oʻyinlarida uchinchi oltin medalini qoʻlga kiritdi. 

Parij-2024 yozgi paralimpiya oʻyinlarida para atlet Husniddin Norbekov Oʻzbekiston delegatsiyasiga sakkizinchi oltin medalni taqdim qildi. 

F35 klassida yadro uloqtirish bahslarida qatnashgan sportchi 16.82 metr natija qayd etib, Paralimpiya rekordini yangilashga erishdi. 

Shu tariqa, Norbekov hisobidagi Paralimpiya medallari 3 ta oltin va 1 ta bronzaga yetdi.

Oʻzbekiston delegatsiyasi hisobidagi medallar esa hozircha 8 ta oltin, 5 ta kumush va 4 ta bronzani tashkil etmoqda.