Ukrainada bir paytning oʻzida besh yirik amaldor isteʼfoga chiqdi
Tashqi ishlar vaziri Dmitriy Kuleba ham ketishi mumkin. Uning oʻrnini oʻrinbosari Andrey Sibiga egallashi kutilyapti.
Ukrainada birdaniga besh yirik amaldor isteʼfoga chiqmoqda. Bu haqda "RBK Ukraina" xabar berdi.
Unda yozilishicha, “3 sentabr kuni Oliy Rada quyidagi shaxslardan isteʼfoga chiqish toʻgʻrisida rasmiy xatlar oldi:
- Ukrainaning strategik sanoat vaziri Kamishin O.M.;
- Ukraina adliya vaziri Malyuska D.L.;
- Ukraina atrof-muhitni muhofaza qilish va tabiiy resurslar vaziri R.A.
- Ukraina Bosh vazirining Yevropa va Yevroatlantika integratsiyasi boʻyicha oʻrinbosari Olga Stefanishina;
- Ukrainaning vaqtincha bosib olingan hududlarni reintegratsiya qilish vaziri Irina Vereshchuk.
Shuningdek, Ukraina tashqi ishlar vaziri Dmitriy Kuleba ham isteʼfoga chiqishi mumkin.
Prezident Vladimir Zelenskiy oʻzining kechki murojaatida Vazirlar Mahkamasi uchun maʼlum kadrlar qarorlari allaqachon tayyorlanganini aytdi.
Prezident devonida ham oʻzgarishlar boʻladi.
