Shavkat Mirziyoyev Bobur Omonov bilan telefon muloqoti oʻtkazdi
Omonov Paralimpiya oʻyinlari gʻolibi boʻlish bilan birga yadro uloqtirish bahslarida rekord qayd etdi.
Kecha Parijdagi Paralimpiya oʻyinlarining navbatdagi kunida hamyurtimiz Bobur Omonov yadro uloqtirish bahslarida oltin medalni qoʻlga kiritdi.
Bugun sportchi bilan Prezident Shavkat Mirziyoyev telefon orqali muloqot qildi.
Davlat rahbari Bobur Omonovni ikki karra paralimpiya chempionidek sharafli nomga sazovor boʻlgani hamda 2021 yilda oʻzi oʻrnatgan Paralimpiada rekordini yangilagani bilan dildan qutlab, ushbu natija Oʻzbekiston paralimpiya harakati tarixida muhim voqea boʻlganini qayd etdi.
Bu galgi oʻyinlarda ham yuksak mahoratini yana bir bor tasdiqlash yoʻlida unga koʻmakdosh boʻlgan murabbiylari va yaqinlariga rahmat aytdi.
Chempion xalq ishonchini oqlaganidan xursandligini bildirdi.
Fursatdan foydalanib, Prezident kecha sovrindor boʻlgan sportchilarni tabriklab, bugungi bellashuvlarda qatnashadigan hamyurtlarimizga omad tiladi.
