Surxondaryodagi konda oltingugurt gazi chiqishi kuzatildi
Kon yaqinida yashovchi fuqarolar xavfsiz hududga evakuatsiya qilingan.
Surxondaryodagi konda oltingugurt (vodorod sulfid) gazi chiqishi kuzatildi. FVV hodisa tafsilotlarini ochiqladi.
1 sentabr kuni Surxondaryo viloyati, Boysun tumani "Koʻlqamish" MFY hududida joylashgan "Mustaqillikning 25 yilligi" koniga qarashli 604-son qudugʻida burgʻulash ishlari olib borish vaqtida texnologik jarayonning buzilishi natijasida oltingugurt (vodorod sulfid) gazi chiqishi kuzatilgan.
Aholi xavfsizligini taʼminlash maqsadida kon yaqinida yashovchi fuqarolar xavfsiz hududga evakuatsiya qilingan.
Fuqarolarni tan-jarohati olish va halok boʻlish holatlari qayd etilmagan.
Hodisa joyiga tegishli tashkilotlarning vakillari yetib borib, mutaxassislar tomonidan barcha zaruriy ishlar olib borilmoqda, deyiladi rasmiy xabarda.