Bobur Omonov Paralimpiya rekordini oʻrnatdi
Oʻzbekistonlik sportchi yadro uloqtirish dasturida gʻolib chiqib, ikki karra chempionga aylandi.
Sport
2-sentabr 2024 yil
Bobur Omonov – ikki karra Paralimpiya oʻyinlari chempioni boʻldi.
Para yengil atletika boʻyicha erkaklar oʻrtasida F41 klassida yadro uloqtirish dasturida qatnashgan Bobur Omonov 14.32 metr natija qayd etib, oltin medalni qoʻlga kiritdi.
Eʼtiborlisi, Omonov ushbu natijasi orqali oʻzi tomonidan 2021 yil Tokioda oʻrnatilgan Paralimpiya oʻyinlari rekordini ham yangiladi.
Maʼlumot uchun, Bobur Omonov bundan avval Tokio-2020 yozgi Paralimpiya oʻyinlarida ham chempionlikni qoʻlga kiritgan.
