Yaponiyada "Shanshan" toʻfoni oqibatida toʻrt kishi halok boʻldi

Yaponiyada mamlakatni qamrab olgan "Shanshan" toʻfoni oqibatida halok boʻlganlar soni toʻrt kishiga yetdi, yana 96 kishi jarohat oldi, deya xabar bermoqda The Japan Times.

Yaponiyaning markaziy qismidagi Ayti prefekturasida kuchli yomgʻir tufayli yuzaga kelgan koʻchki tufayli uch kishi halok boʻldi. Sikoku orolidagi Tokusima prefekturasining bir nafar fuqarosi uyning tomi qulashi oqibatida halok boʻldi.

Juma kuni Kyusyu orolida 100 mingdan ortiq uy elektr energiyasiz qolmoqda. Tabiiy ofat hududida shamolning tezligi soatiga 108 km ga yetdi. Soʻnggi uch kun ichida Miyazaki prefekturasida (Kyusyu orolida) deyarli 90 sm yogʻingarchilik yogʻdi, bu avgust oyidagi oʻrtacha yogʻingarchilikdan 1,5 baravar koʻp.

Shu bilan birga, "Shanshan" oʻz kuchini biroz yoʻqotdi va endi tropik boʻron sifatida tasniflanadi.

Yaponiya meteorologlari mamlakat aholisini dam olish kunlari yomgʻir va kuchli shamollar xavfidan ogohlantirmoqda.