Fanlar akademiyasi prezidenti Behzod Yuldashev vafot etdi
U yuqori energiyalar fizikasi sohasidagi olim, fizika-matematika fanlari doktori edi.
Akademik Behzod Yuldashev 79 yoshida vafot etdi. Bu haqda Fanlar akademiyasi xabar berdi.
Oʻzbekiston Fanlar akademiyasi prezidenti, yuqori energiyalar fizikasi sohasidagi olim, fizika-matematika fanlari doktori, professor, akademik Behzod Sadikovich Yuldashev 2024 yilning 28 avgust kuni 79 yoshida vafot etdi.
Behzod Yoʻldoshev 1945 yil Toshkent shahrida tugʻilgan.
U 1968 yilda ToshDUni tugatgan. Oʻzbekiston Fanlar akademiyasi Yadro fizikasi institutida ilmiy xodim (1968—83), direktor (1990 yildan) boʻlgan. Oʻzbekiston Fanlar akademiyasi Fizika-texnika ilmiy tadqiqot institutida laboratoriya mudiri (1984—90). Oʻzbekiston Fanlar akademiyasi prezidenti (2000-2006) sifatida faoliyat yuritgan.
Ilmiy ishlari yuqori energiyalar fizikasi, yadroviy fizika va elementar zarralar fizikasiga oid.