Uchquduq tumaniga yangi hokim tayinlandi
Avvalgi rahbar Soli Hamroyev "faoliyatida tizimli kamchiliklarga yoʻl qoʻygani uchun" ishdan olingandi.
Navoiy viloyati hokimining qaroriga asosan, Yelmuratov Uchqun Fayzullayevich Uchquduq tumani hokimi vazifasiga tayinlandi.
Bu haqda viloyat hokimligi xabar berdi.
Tayinlovga qadar, Uchqun Fayzullayevich “Agrobank” ATB Navoiy viloyati boshqarmasi boshligʻi vazifasida faoliyat yuritgan.
Uchqun Yelmuratov 1986 yilda Konimex tumanida tavallud topgan. Maʼlumoti oliy. 2007 yilda Toshkent moliya institutini hamda 2012 yilda Oʻzbekiston Respublikasi Prezidenti huzuridagi Davlat va jamiyat qurilishi akademiyasi qoshidagi oliy biznes maktabini tamomlagan.
Eslatib oʻtamiz, avvalgi hokim Soli Hamroyev 2024 yil iyul oyida prezident tomonidan oʻtkazilgan yigʻilishda ishdan olingandi.
