Tabiat bagʻridagi Xufar qishlogʻi
Isteʼdodli fotograf Farrux Aliyev oʻzi tugʻilib oʻsgan Xufar qishlogʻining oddiylik va samimiylik, mehnatu sabr, muhabbat va hamjihatligi haqida hikoya qiluvchi betakror fotolar jamlanmasini taqdim qiladi.
Sokin tong nurlari qishloqning tor koʻchalariga yorugʻlik sochib, yangi kunni boshlab beradi. Qishloq, cheksiz osmon ostida, inson va tabiatning uygʻunligini aks ettiruvchi mukammal manzaradir. Faqat shu yerdagina kechalari yulduzlarga yanayam yaqin boʻlishi mumkin.
Dehqonlar yer bilan til topishib, har bir urugʻni mehnat va umid bilan yer bagʻriga topshirishadi. Dalalarda har bir don, har bir gʻoʻza qishloq hayotining muhim bir qismi, ularning tinimsiz mehnati orqali ulkan hayotiy zanjir davom etadi.
Kechga tomon, quyosh ufqqa yaqinlashganda, qishloqni sokin ohanglar qamrab oladi. Bu yerda hayot tinimsiz harakatda boʻlsa-da, shu paytda tabiat va inson qalbi oʻrtasidagi muvozanat oʻz ifodasini topadi. Qishloqda, mana shu sodda, ammo mazmunli lahzalarda, hayotning asl maʼnosi yotganini his qilasiz.
Isteʼdodli fotograf Farrux Aliyev oʻzi tugʻilib oʻsgan Xufar qishlogʻining oddiylik va samimiylik, mehnatu sabr, muhabbat va hamjihatligi haqida hikoya qiluvchi betakror fotolar jamlanmasini taqdim qiladi.
