platina.uz

"Tolibon" Oʻzbekistonga yangi elchi tayinladi

Abdulgʻaffor Tiraviy tez orada Toshkentda oʻz vazifasiga kirishishi kutilmoqda. 

Siyosat
26-avgust 2024 yil
"Tolibon" Oʻzbekistonga yangi elchi tayinladi

Afgʻoniston Tashqi ishlar vazirligi siyosiy departamenti direktori Zokir Jaloliyning aytishicha, Abdulgʻaffor Tiraviy Islom Amirligining Oʻzbekistondagi elchisi sifatida tanishtirilgan. Bu haqda xabar Tolo News berdi.

Jaloliyning qoʻshimcha qilishicha, bu borada ikki tomon ham kelishib olgan va yangi tayinlangan elchi tez orada Toshkentda oʻz vazifasini boshlashi kutilmoqda.

U, shuningdek, ayrim davlatlar bilan diplomatik munosabatlar darajasini oshirish boʻyicha kelishuvlarga erishilganini taʼkidladi.

Jaloliyga koʻra, "oʻtgan uch yil ichida Islom Amirligi oʻzini barqaror va kuchli rejim sifatida isbotladi va kun sayin mintaqa va dunyo bu haqiqatni anglab yetmoqda".

Avvalroq Badruddin Haqqoniy Afgʻonistonning BAAdagi elchisi, Muhammad ul-Rahmon esa Qozogʻiston elchixonasining vaqtinchalik ishlar vakili etib qabul qilingan edi.

© 2025 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+