Yangihayotdagi sexlardan biri yonib ketdi

Bugun 24 avgust kuni soat 09:41da Toshkent shahar, Yangihayot tumani, "Yangi Darxon" MFYdagi ishlab chiqarish sexlarining biri omborxonasida yongʻin sodir boʻldi.

Shunga koʻra yongʻin-qutqaruv ekipajlari voqea joyiga yetib borib, yongʻin qurshab olingan va bartaraf etish ishlari amalga oshirilmoqda.

Yongʻin natijasida tan jarohati olgan va vafot etgan fuqarolar toʻgʻrisida xabar kelib tushmadi.

Hodisa joyiga Favqulodda vaziyatlar vazirining birinchi oʻrinbosari-Shtab boshligʻi polkovnik S.Zuparov va Toshkent shahar FVB rahbariyati hamda xodimlari, hamkorlikdagi xizmatlar yetib borgan.

Yongʻin yuzasidan qoʻshimcha maʼlumot taqdim etiladi.