Toshkentdan Moskvaga poyezdlar qatnovi yoʻlga qoʻyildi
Chiptalar narxi quyidagicha: kupe 4 mln 320 ming soʻmdan, platskart esa 3 mln 13 ming soʻmdan. Biroq yoʻlovchilar 35 foizgacha chegirmalarni qoʻlga kiritishi mumkin.
"Oʻzbekiston temir yoʻllari" aksiyadorlik jamiyati joriy yilning 24 sentabr kunidan Toshkent – Moskva – Toshkent yoʻnalishi boʻyicha poyezd qatnovi yoʻlga qoʻyilgani haqida maʼlum qildi.
505-Toshkent – Moskva yoʻnalishi quyidagi kunlarda joʻnaydi:
24 sentabr, 2 oktabr, 10 oktabr, 26 oktabr, 2 noyabr, 18 noyabr, 26 noyabr, 4 dekabr, 12 dekabr.
Toshkentdan joʻnash vaqti 19:55, Moskvaga yetib kelish 23:12.
506-sonli Moskva – Toshkent yoʻnalishi quyidagi kunlarda joʻnaydi:
28 sentabr, 6 oktabr, 14 oktabr, 30 oktabr, 6 noyabr, 22 noyabr, 30 noyabr, 8 dekabr.
Moskvadan uchish 5:40 da, Toshkentga yetib kelish 8:23 da.
Qayd etilishicha, yoʻlovchilar chiptalarni chegirma bilan xarid qilishlari mumkin: chipta qancha erta sotib olinsa, chegirma shunchalik yuqori boʻladi. Toshkent - Moskva - Toshkent yoʻnalishi boʻyicha chiptalar narxi kupe 4 mln 320 ming soʻmdan, platskart 3 mln 13 ming soʻmdan (40-45 kun avval olinsa 35 foizgacha chegirma beriladi) .
Eslatib oʻtamiz, Toshkent va Moskva oʻrtasidagi poyezd qatnovi koronavirus pandemiyasi tufayli toʻxtatilgandi.