Toshkent vagon zavodi jarimaga tortildi
Zavodning jami 2.8 mlrd soʻmdan ortiq qiymatdagi tender savdolarida qonun buzilishi aniqlangan.
“Toshkent yo'lovchi vagonlarini qurish va ta'mirlash zavodi” AJ zavodi jarimaga tortildi.
Raqobat qoʻmitasining Toshkent shahar hududiy boshqarmasi tomonidan 2024 yil davlat xaridlar sohasidagi oʻrganishlar natijasida, “Toshkent yo'lovchi vagonlarini qurish va ta'mirlash zavodi” AJ tomonidan maxsus axborot portallari orqali jami 2.8 mlrd soʻmdan ortiq oʻtkazilgan tender savdolari yuzasidan oʻrganish ishlari olib borilgan.
Oʻrganishlar yuzasidan, Buyurtmachi tashkilotga (“Toshkent yo'lovchi vagonlarini qurish va ta'mirlash zavodi” AJ) “Raqobat toʻgʻrisida”gi Qonunining 29-moddasi talablari buzilganlik holati boʻyicha ish qoʻzgʻatildi.
Ish natijasi boʻyicha moliyaviy jarima qoʻllash yuzasidan qaror qabul qilinib, qonunbuzilish holatlarini bartaraf etish va kelgusida yoʻl qoʻymaslik boʻyicha bajarilishi majburiy boʻlgan koʻrsatmalar berildi .
Shuningdek, qonunbuzilishga yoʻl qoʻygan mansabdor shaxsga nisbatan maʼmuriy bayonnoma rasmiylashtirilib, koʻrib chiqish uchun tegishli tartibda sudga joʻnatildi, deyiladi qoʻmita xabarida.