Taʼlim muassasalarida oʻqish qachondan boshlanishi aniq boʻldi
Maktab, litsey oʻquvchilari va kollejlarning ayrim kurslari uchun 4 sentabrdan, OTMlarda esa 9 sentabrdan oʻquv yili boshlanishi kutilmoqda.
Oliy taʼlim muassasalarida yangi oʻquv yili 9 sentabr, dushanba kunidan boshlanadi.
Bu haqda oliy taʼlim, fan va innovatsiyalar vazirining 2024 yil 21 avgustdagi 321-sonli buyrugʻida belgilandi.
Akademik litseylarda va umumiy oʻrta taʼlim maktablarida esa yangi oʻquv yili 4 sentabr, chorshanba kunidan boshlanadi.
Kasb-hunar maktablarida hamda kollej va texnikumlarning 2 va undan yuqori kurslari uchun ham yangi oʻquv yili 4 sentabr kunidan boshlanadi.
Kollej va texnikumlarning 1-kurslari uchun 2024/2025-oʻquv yilining boshlanishi boʻyicha qoʻshimcha maʼlumot beriladi.