Belarus elchisi Qozogʻiston TIVga taklif etildi
Bunga prezident Aleksandr Lukashenkoning Qozogʻiston boʻyicha gaplari sabab boʻlgan.
Qozogʻiston Belarus elchisini TIV ga taklif etdi. Bunga prezident Aleksadr Lukashenkoning mamlakat haqida aytgan soʻzlari sabab boʻlgan.
Qozogʻiston Tashqi ishlar vaziri Murat Nurtleuning Belarus Respublikasi Elchisi Pavel Utyupin bilan uchrashuvi chogʻida Qozogʻiston-Belarus hamkorligining ham ikki tomonlama, ham koʻp tomonlama hamkorlik doirasidagi dolzarb masalalari muhokama qilindi, deyiladi rasmiy xabarda.
Xususan, vazir "Qozogʻiston BMT Nizomi va xalqaro huquqning asosiy normalariga muvofiq muvozanatli va tinchliksevar tashqi siyosat yuritayotgani"ni alohida taʼkidladi.
Davlatlar oʻrtasidagi barcha kelishmovchiliklarni siyosiy va diplomatik yoʻllar bilan hal etish zarurligiga qatʼiy ishonilishi aytilgan.
Vazir Belarus tomonini davom etayotgan jarayonlarga nisbatan Ostona pozitsiyasini xolisona baholashga chaqirdi.
Eslatib oʻtamiz, Lukashenko Kurskdagi vaziyat sabab MDH davlatlar pozitsiyasini tanqid qilgan va Qozogʻistonni alohida tilgan olgandi.