Erondagi YTHda 35 nafar pokistonlik halok boʻldi
Hodisaga avtobus tormozi ishlamay qolishi sabab boʻlgan. 15 kishi ogʻir ahvolda ekani aytilmoqda.
Eronning Yazd shahrida avtobus ishtirokida YTH sodir boʻldi.
Hodisa oqibatida 35 kishi halok boʻldi, 15 kishi ogʻir tan jarohati oldi.
Pokiston radiosiga koʻra, avtobusda pokistonlik ziyoratchilar boʻlgan.
Dastlabki maʼlumotlarga koʻra, hodisaga tormozning ishlamay qolishi sabab boʻlgan. Avtobus Pokistondan Iroqqa ketayotgan edi.
Pokiston prezidenti Osif Ali Zardoriy qurbonlar munosabati bilan hamdardlik bildirdi.
U Tashqi ishlar vazirligiga jabrlanganlarga yordam koʻrsatish, qurbonlarning jasadlarini vataniga yetkazish boʻyicha topshiriq bergan.