Issiqkoʻlda sel oqibatida yuzlab xonadonlarni suv bosdi
Hodisa oqibatlarini bartaraf etish uchun 300 nafardan oshiq xodim jalb etilgan.
Issiqkoʻlning janubi va shimolida kuchli sel kelishi kuzatildi. Hududdagi yuzlab xonadonlarni suv bosgan.
Kuchli yomgʻir tufayli Choʻn-Qizil-suv daryosi qirgʻoqlaridan chiqib ketgan.
Bundan tashqari, Saruu qishlogʻida daryolar suvi katta yoʻlni qoplagan va avtomobillar oʻtishini qiyinlashtirgan, deb yozadi 24.kg.
Issiqkoʻlning shimoliy qirgʻogʻida kechasi sel oqimi Bulan-Sogʻotu, Korumdu, Temirovka qishloqlari va "Issiqkoʻl Avrora" pansionati hududini qoplagan – mahalliy aholining yuzlab hovlilari suv ostida qolgan.
Joylarda hodisa oqibatlarini bartaraf etishga 300 dan ortiq kishi jalb etilgan.
Shu yilning 14 iyul kuni Oʻsh viloyati va Oʻsh shahrida sel kelib, katta vayronagarchiliklarga sabab boʻlgan, jumladan, avtomobillarni yuvib, yoʻllarni suv bosgan edi.
28 iyun kuni esa Oʻsh viloyatining Nookat tumanida halokatli sel sodir boʻlib, aholi va sayyohlar orasida qurbon kuzatildi.