Andijon shahri sobiq hokimi yangi lavozimga tayinlandi
U soʻkongʻichligi va buzuq axloqi uchun 2019 yilda ishdan olingandi.
Andijon shahri sobiq hokimi Dilmurod Rahmatullayev yangi lavozimni egalladi.
Andijon shahrining hozirgi hokimi Gʻofur Abdurahmonovning qarori bilan Rahmatullayev shahar obodonlashtirish boshligʻi lavozimiga tayinlangan.
Dilmurod Rahmatullayev 2019 yilda intim videosi tarmoqda tarqalishi ortidan ishdan olingandi.
Rahmatullayev ilk bor jamoatchilik eʼtiboriga 2017 yil oʻqituvchilarni haqorat qilgani audiosi tarqalganida tushgandi. Oʻshanda hokim 5,1 mln soʻm jarimaga tortilgandi.
U 2016-2019 yillarda hokim boʻlib ishlagan.
