Kirish imtihonlarining yakuniy natijalari eʼlon qilindi
Natijalarni toʻrt xil usulda, jumladan my.uzbmb.uz sayti orqali bilib olish mumkin.
2024−2025 oʻquv yili uchun OTMning bakalavriat bosqichi kirish imtihonlari boʻyicha tanlov natijalari (mandat) eʼlon qilindi.
Tanlov natijalarini 4 xil usulda bilish mumkin.
1. my.uzbmb.uz sayti orqali. Bunda saytga abituriyentning pasport seriyasi va raqami hamda shaxsiy identifikatsiya raqami kiritiladi.
2. mandat.uzbmb.uz sayti orqali. Bunda saytga abituriyentning ID raqami kiritiladi.
3. SMS-xabarnoma xizmati orqali. 5100 raqamiga abituriyentning ID raqami yuborilganda, mazkur telefon raqamiga tanlov natijalari boʻyicha xabarnoma yuboriladi (xizmat haqi mavjud).
4. Test natijalari qaydnomasi orqali.
Shuningdek, test natijalari qaydnomasi oliy taʼlim muassasalariga taqdim etiladi.