Qozogʻistonda 90-yillarda dahshatli jinoyatlarni sodir etgan guruh rahbari qamaldi
U 2024 yilgacha soxta hujjatlardan foydalanib jazodan qochib yurgan. Sud jinoyatchini 25 yilga ozodlikdan mahrum etdi.
Qozogʻistonda 90-yillardagi jinoiy guruh rahbari 25 yilga qamaldi.
Sud chorak asrdan ortiq qidiruvda boʻlgan jinoiy toʻda rahbarini 25 yilga ozodlikdan mahrum qildi, deb xabar beradi Qozogʻiston Oliy sudi.
Jinoyatchi tergovchilar tomonidan qotillik va banditizmda ayblangan. U 1998 yilda jinoiy guruh aʼzolari bilan birga transport vositalarini toʻxtatib, haydovchilarni talon-taroj qilgan va oʻldirgan, keyin esa ularning jasadlarini koʻmib yuborgan.
Soxta hujjatdan foydalanib, erkak tergov va suddan yashiringan, qidiruvda boʻlgan va faqat 2024 yil yanvar oyida qoʻlga olingan.
"Sudlanuvchi Jinoyat kodeksining 237-moddasi 1-qismi bilan aybdor deb topilib, daʼvo muddati oʻtganligi munosabati bilan jinoiy javobgarlikdan ozod etildi.
Ijtimoiy adolatni tiklash va yangi jinoyatlar sodir etilishining oldini olish maqsadida sudlanuvchi Jinoyat kodeksining 96-moddasi 2-qismi bilan aybdor deb topilib, 25 yil muddatga ozodlikdan mahrum qilindi", deb xulosa qildi Oliy sud.