Bolalar chizgan rasmlar auksionda sotilyapti

“Sen kuchlisan” ijtimoiy loyihasining navbatdagi rasm koʻrgazmasi boshlandi. Koʻrgazma Toshkentda 14-15 avgust kunlari oʻtkaziladi.

Tadbirdan asosiy maqsad onkologik va gematologik kasallikka chalingan bolajonlarni qoʻllab-quvvatlash, ularga xursandchilik ulashishdir. Shu bilan birga ular tomonidan chizilgan suratlar koʻrgazmasi va kimoshdi savdolari oʻtkazilmoqda.

Ushbu savdodan yigʻilgan mablagʻlar Oʻzbekistonda onkologiyaga chalingan bolalar oʻrtasida oʻlim koʻrsatkichlarini pasaytirishga sarflanadi.