Qozogʻistonda onlayn kreditlarni taqiqlash boʻyicha petitsiya eʼlon qilindi
Tashabbusda aytilishicha, qozogʻistonliklar moliyaviy xizmatlarni raqamlashtirishning bunday shakliga tayyor emas.
Qozogʻistonda onlayn kreditlarni taqiqlash boʻyicha petitsiya ishlab chiqildi.
Murojaat "Xak-Nazar" jamoat fondi tomonidan epetition.kz saytida eʼlon qilingan. Mualliflarning fikricha, qozogʻistonliklar moliyaviy xizmatlarni raqamlashtirishning bunday shakliga tayyor emas.
"Onlayn kreditlar olishning qulayligi aholining zaif qatlamlari oʻrtasida qarz yukining ortishiga va moliyaviy beqarorlikka olib keladi. Yuqori foiz stavkalari va kredit berishning noaniq shartlari koʻpincha odamlarni qarz tuzogʻiga tushiradi. Qarz tuzogʻidan tashqari, firibgarlik, oʻgʻirlik va tovlamachilik kabi qarz majburiyatlarini toʻlay olmaslik bilan bogʻliq jinoyatlar koʻpaydi”, — deb yozadi ijtimoiy faollar.
Ular, shuningdek, harbiy xizmat sharoitida onlayn kreditlar majburlash va moliyaviy zoʻravonlik vositasiga aylanishini yozadilar.
Mualliflar nafaqat onlayn kreditlar berishni taqiqlashni, balki mikrokreditlar berish sohasidagi qonunchilikka rioya etilishi ustidan nazoratni kuchaytirishni ham talab qilmoqda.