Oʻzbekiston olimpiadada tarixiy natija qayd etdi
Lazizbek Mullajonov jamoaga beshinchi oltinni keltirdi. Oʻzbekistonning olimpiadalar tarixidagi eng yaxshi natijasi 4 ta oltin edi.
Lazizbek Mullajonov Parij-2024 yozgi Olimpiya oʻyinlari chempioniga aylandi.
Mullajonov Oʻzbekiston delegatsiyasiga navbatdagi oltin medalni taqdim qildi. -92 kg vazn toifasida ishtirok etgan sportchi chempionlik bahsida ozarbayjonlik Loren Alfonso Domingesni magʻlub etib, oltin medalga sazovor boʻldi.
Ushbu muvaffaqiyatdan keyin Oʻzbekiston delegatsiyasi medallari hozircha 5 ta oltin va 3 ta bronzaga yetdi.
Oʻzbekiston delegatsiyasi yozgi Olimpiya oʻyinlarida medallar sifati boʻyicha oʻz tarixidagi eng yaxshi natijasini yangiladi.
Parij-2024 yozgi Olimpiya oʻyinlari yakuniga yetmagan boʻlsada, Oʻzbekiston delegatsiyasi ayni paytning oʻzidayoq 5 ta oltin va 3 ta bronza medallari bilan oʻz tarixidagi eng yaxshi natijani yangilab ulgurdi.