Shavkat Mirziyoyev Yaponiya bosh vaziri bilan muloqot qildi

Oʻzbekiston Respublikasi Prezidenti Shavkat Mirziyoyev 9 avgust kuni yapon tomonining tashabbusi bilan Yaponiya Bosh vaziri Fumio Kishida bilan telefon orqali muloqot qildi.

Oʻzbekiston rahbari Yaponiyaning janubi-sharqida kuchli zilzila roʻy bergani va sunami kutilayotganidan xavotir bildirdi.

Oʻzbekiston Yaponiya tomonining "Markaziy Osiyo + Yaponiya" birinchi sammitini oʻtkazish va Bosh vazir Kishidaning joriy yil 10-11 avgust kunlariga rejalashtirilgan mamlakatimizga rasmiy tashrifi muddatlarini koʻchirish toʻgʻrisidagi qarorini toʻliq tushunishi taʼkidlandi.

Tayyorgarlik tadbirlarini davom ettirish va tashrifni tashkil etishning yangi muddatlarini diplomatik kanallar orqali kelishishga ahdlashib olindi, deyiladi Prezident matbuot xizmati xabarida.