"Tok bor" MChJ Oʻzbekiston bozorida ustun mavqega ega deb topildi
Uning elektromobillar va gibrid avtomobil vositalarini quvvatlash xizmatlarini koʻrsatish boʻyicha bozordagi ulushi 40 foizdan oshgan.
Raqobat qoʻmitasi "Tok bor" MChJ Oʻzbekiston bozorida ustun mavqega ega deb topdi.
Bu haqda qoʻmitaning tegishli burugʻi eʼlon qilindi.
"Tok bor" MChJning elektromobillar va gibrid avtomobil vositalarini quvvatlash xizmatlarini koʻrsatish boʻyicha bozordagi ulushi 40 foizdan ortiqni tashkil etganligi munosabati bilan ustun mavqega ega deb eʼtirof etilsin. Iqtisodiy konsentratsiya va iqtisodiyotda davlat ishtirokini nazorat qilish boshqarmasi tomonidan uch kunlik muddatda "Tok bor" MChJga tegishli xabarnoma yuborilsin" deyiladi qoʻmita raisi buyrugʻida.
Eslatib oʻtamiz, avvalroq Raqobat qoʻmitasi Knauf kompaniyasining ham ustun mavqeini eʼtirof etgandi.
