"Olmazor"da koʻp funksiyali mahalla binosi qurilmoqda
Qahramon Quronboyev Bulungʻur tumanidagi "Olmazor" mahallasiga tashrif buyurdi.
Oʻzbekiston mahallalari uyushmasi raisi Qahramon Quronboyev Bulungʻur tumanidagi "Olmazor" mahallasiga tashrif buyurdi. Bu yerda qurilishi yakuniga yetayotgan "Yangi Oʻzbekiston" massivi va mahallaning yangi binosi bilan tanishildi.
Mahalla binosining yertoʻlasida sogʻlomlashtirish markazi, 1-qavatda mahalla xodimlari faoliyati uchun xonalar, 2-qavatda tikuvchilik korxonasi va 3-qavatda axborot texnologiyalari markazi ish boshlaydi.
Shuningdek, mahalla binosining orqa tarafidagi yerga stadion va oilaviy shifokorlik punkti qurilishi rejalashtirilgan.
Uyushma rahbari mazkur ishlarning borishini koʻzdan kechirib, "Olmazor" mahallasi namunaviy mahallaga aylanishi lozimligini taʼkidladi. Mutasaddilarga zarur koʻrsatma va topshiriqlar berildi.
