Taxiatosh tumaniga hokim tayinlandi

Kamiljan Aytbayev Taxiatosh tumani hokimi tayinlandi.

7 avgust kuni xalq deputatlari Taxiatosh tuman Kengashining navbatdan tashqari 80-sessiyasi boʻlib oʻtdi.

Sessiyada Aytbayev Kamiljan Kurbanbayevich Taxiatosh tumani hokimi etib tayinlandi.

Kamiljan Aytbayev faoliyati davomida Amudaryo tumani hokimining iqtisodiyot va ijtimoiy rivojlantirish masalalari boʻyicha oʻrinbosari, Qoraqalpogʻiston Respublikasi tashqi iqtisodiy aloqalar va savdo vaziri oʻrinbosari vazifasini bajaruvchi, Xoʻjayli tumani hokimining iqtisodiyot va tadbirkorlik masalalari boʻyicha birinchi oʻrinbosari, Vazirlar Kengashi Raisining ishlab chiqarishni mahalliylashtirish va sanoatda kooperatsiya aloqalarini kengaytirish masalalari boʻyicha yordamchisi lavozimlarida ishlagan.

U bugungi kunga qadar Amudaryo tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari - iqtisodiy taraqqiyot va kambagʻallikni qisqartirish boʻlimi boshligʻi lavozimida faoliyat olib borgan.