Qoraoʻzak tumaniga hokim tayinlandi
Anvar Baymuratov avval tumanda investitsiyalar va tashqi savdo boʻlimi boshligʻi lavozimida ishlagan.
Anvar Baymuratov Qoraoʻzak tumani hokimi etib tayinlandi.
7 avgust kuni xalq deputatlari Qoraoʻzak tuman Kengashining navbatdan tashqari 81-sessiyasi boʻlib oʻtdi.
Sessiyada Qoraoʻzak tumani hokimi lavozimiga Baymuratov Anvar Maxsetovichni tayinlash masalasi koʻrib chiqildi va u Qoraoʻzak tumani hokimi etib tayinlandi.
Anvar Baymuratov faoliyati davomida qator masʼuliyatli lavozimlarda ishlagan. U bugungi kunga qadar Qoraoʻzak tumani hokimining oʻrinbosari - investitsiyalar va tashqi savdo boʻlimi boshligʻi lavozimida faoliyat olib borgan.
Avvalroq Qoraqalpogʻistonda Taxiatosh hokimi ham almashgandi.