Gʻozgʻon shahriga yangi hokim tayinlandi
Nurali Joʻrayev bunga qadar Investitsiyalar, sanoat va savdo vazirligi hududlarni rivojlantirish boshqarmasida ishlagan.
Navoiy viloyati hokimi qaroriga koʻra Nurali Joʻrayev Gʻozgʻon shahri hokimi vazifasiga tayinlandi.
Tayinlovga qadar Nurali Shuhratovich Joʻrayev Investitsiyalar, sanoat va savdo vazirligi hududlarni rivojlantirish boshqarmasi bosh mutaxassisi vazifasida faoliyat yuritgan.
Nurali Joʻrayev 1988 yilda Qiziltepa tumanida tavallud topgan. Maʼlumoti oliy.
Buxoro oziq-ovqat va yengil sanoat texnologiyasi institutini va Toshkent Davlat Iqtisodiyot universitetini iqtisodchi, buxgalteriya hisobi va audit mutaxassisligi boʻyicha tamomlagan.
