Saida Mirziyoyeva Qozogʻiston prezidenti bilan uchrashdi
Uchrashuvda mintaqaviy va xalqaro kun tartibi atroflicha muhokama qilingan.
Oʻzbekiston prezidenti yordamchisi Saida Mirziyoyeva Qozogʻiston prezidenti Qosim-Joʻmart Toʻqayev bilan uchrashdi.
"Bugun Qozogʻiston Respublikasi Prezidenti Qosim-Joʻmart Kemelevich Toʻqayev bilan uchrashuv oʻtkazdik.
Uchrashuv davomida mintaqaviy va xalqaro kun tartibini atroflicha muhokama qildik, Oʻzbekiston-Qozogʻiston oʻrtasida axborot-mafkura, madaniy-gumanitar, taʼlim va yoshlar siyosati sohasidagi oʻzaro manfaatli hamkorlikni yanada chuqurlashtirishga alohida eʼtibor qaratildi" deya maʼlum qildi Mirziyoyeva.
"Suhbat chogʻida Oʻzbekiston va Qozogʻiston oʻrtasidagi ochiq, ishonchli va doʻstona muloqot misli koʻrilmagan darajaga koʻtarilgani hamda mamlakatlarimiz oʻrtasidagi strategik va ittifoqchilik munosabatlarini mustahkamlashda beqiyos ahamiyatga ega ekani taʼkidlandi" deya xulosa qiladi Oʻzbekiston prezidenti yordamchisi.