Mali Ukraina bilan diplomatik aloqalarni uzdi
Bunga Ukraina Bosh razvedka boshqarmasining hukumatga muxolif tuareg isyonchilarga maʼlumot uzatgani haqida bayonoti bilan bogʻliq.
Mali hukumati Ukraina bilan diplomatik munosabatlarni uzganini eʼlon qildi.
Malining oʻtish davri hukumati Ukraina bilan diplomatik aloqalarni uzishga qaror qilgan.
Hukumat bayonotida aytilishicha, bu qaror Ukraina Bosh razvedka boshqarmasi matbuot kotibi Andrey Yusovning iyul oyi oxirida hukumat qoʻshinlari va sobiq "Vagner" harbiy shirkati yollanma askarlari karvoniga hujum qilgan tuareg isyonchilarini qoʻllab-quvvatlashda Kiyevning rolini tan olgani haqidagi bayonotidan keyin qabul qilingan.
Yusov oʻtgan hafta isyonchilarga hujumlarni amalga oshirish uchun "kerakli maʼlumotlar" berilganini aytdi.
Hukumat matbuot kotibi Abdulaye Maiganing aytishicha, rasmiylar bu bayonotdan hayratda qolgan va Ukrainani mamlakat suverenitetini buzganlikda ayblagan.
Oʻtgan hafta Mali armiyasi 25 iyul kuni boshlangan janglarda katta yoʻqotishlarga uchraganini tan oldi.
Mali harbiylari ham, "Vagner" vakillari ham aniq raqamlarni keltirmadilar; yollanma jangarilar orasida halok boʻlganlar soni 20 dan 80 kishigacha boʻlgani maʼlum qilingan.