Turkiyada Instagram bloklangani aytilmoqda
Avval ushbu ijtimoiy tarmoq HAMAS rahbari Ismoil Xaniya oʻlimi boʻyicha bildirilgan hamdardliklarni cheklab qoʻygan.
Turkiya aholisi 2 avgust kuni Instagram tarmogʻiga kirishda muammolarga duch kelmoqda. OAV tarmoqning rasmiy sababini hozircha aniqlay olmadi.
Turkiyaning Yeni Safak gazetasi maʼlumotiga koʻra, hozircha bu qarorning sababi maʼlum qilinmagan.
Shu bilan birga, gazetaning xabar berishicha, 31 iyul kuni Turkiya prezidentining kommunikaitsyalar boʻyicha direktori Fahrettin Altun X ijtimoiy tarmoq platformasida HAMAS yetakchisi Ismoil Haniyaning oʻlimi munosabati bilan hamdardlik izhor qilgan va Instagram Haniya haqidagi postlarni bloklaganini taʼkidlagan.
"Shuningdek, Instagram ijtimoiy media platformasi Haniyaning shahid boʻlganligi munosabati bilan taʼziya izhorlari nashr etilishini hech qanday asossiz toʻsib qoʻyganini keskin qoralayman. Bu senzuraga qaratilgan juda aniq va ochiq-oydin urinishdir", - dedi u.
OAVga koʻra, Turkiyada Instagramga qoʻyilgan cheklovning sababi shu boʻlishi mumkin.
