AQSh Venesuela muxolifati yetakchisini prezident sifatida tan oldi
Mamlakat rasmiylari esa Nikolas Maduroni gʻolib deb eʼlon qilgan. Venesuelada namoyishlar tinmayapti.
AQSh Davlat departamenti Venesuela muxolifati yetakchisi Edmundo Gonsales Urrutiyani "muvaffaqiyatli saylov kampaniyasi" bilan tabrikladi.
Vashington uni prezidentlik saylovlarida gʻolib deb tan olgan. Karakasning rasmiy versiyasiga koʻra esa, Nikolas Maduro uchinchi muddatga qayta saylangan.
"Afsuski, Maduro nazorati ostidagi Milliy saylov kengashi tomonidan ushbu ovozlarni qayta ishlash va natijalarni eʼlon qilishda jiddiy qonunbuzarliklarga yoʻl qoʻyildi, natijada Venesuela xalqining irodasini aks ettirmaydigan natijalar eʼlon qilindi", dedi Davlat departamenti bayonotida.
AQSh va Venesuela xalqiga Edmundo Gonsales Urrutia eng koʻp ovoz olgani aniq, deyiladi departament bayonotida. Vashingtonga koʻra, Venesuela tomonlari uchun hokimiyatni hurmat bilan, tinch yoʻl bilan oʻtkazish masalasini muhokama qilishni boshlash vaqti keldi.
Venesuela Milliy saylov kengashi 29 iyul kuni amaldagi davlat rahbari Nikolas Maduro 51,2 foiz, Edmundo Gonsales esa 44 foiz ovoz yiqqanini maʼlum qildi. Muxolifat, exit-poll natijalariga tayanib, 73% ovoz bilan janob Gonsalesning gʻalabasini eʼlon qilmoqda. Venesuelada saylov natijalari eʼlon qilingach, ommaviy norozilik namoyishlari boshlandi.
Venesueladagi soʻnggi prezidentlik saylovlari natijalariga koʻra Vashington ham Nikolas Maduroni gʻolib deb tan olmadi.
Avval ham Qoʻshma Shtatlar boshqa koʻplab davlatlar qatori muxolifat yetakchisi Xuan Guaydoni davlat rahbari vazifasini bajaruvchi sifatida tan oldi. Mamlakatlar oʻrtasidagi diplomatik aloqalar faqat 2024 yilning yozida tiklandi.