Oʻzbekiston Parij olimpiadasida 15-oʻrinda bormoqda
Bugun mamlakat vakillari 4 ta sport turi boʻyicha chiqish qiladi.
Parijdagi Olimpiadada Yaponiya (6 oltin, 2 kumush, 4 bronza) yetakchilikni saqlab turgan boʻlsa, Fransiya (5 oltin, 8kumush, 3 bronza) ikkinchi, Xitoy (5 oltin, 5 kumush, 2 bronza) uchinchi oʻringa koʻtarilib oldi.
Oʻzbekiston delegatsiyasi 1 ta “oltin” medali bilan jadvalda 15-oʻrinda bormoqda.
Markaziy Osiyo vakillari orasida hozircha faqat Qozogʻiston (1 oltin, 2 bronza) medal qoʻlga kiritgan va 12-oʻrinda bormoqda.
Bugun esa Oʻzbekiston vakillari 4 ta sport turi boʻyicha chiqish qiladi. Bular akademik eshkak eshish, boks, dzyudo va futbol dasturlaridir.
