Avgust oyi issiq ob-havo bilan boshlanadi
Oʻzbekistonda avgust yilning eng quruq oyi hisoblanadi. Oyning birinchi besh kunligida harorat maksimal 45 darajagacha koʻtarilishi mumkin.
Joriy yilning avgust oyida bizni qanday ob-havo kutmoqda? Oʻzgidromet ehtimoliy ob-havo maʼlumotini taqdim etdi.
Avgust issiq ob-havo bilan boshlanadi. Oyning birinchi besh kunligida kunduz kunlari havo 39-41 darajagacha, janubda 42-44 darajagacha isiydi.
Keyinalik issiq biroz pasayadi va hududning katta qismida birinchi oʻn kunlikning oxirigacha kunduz kungi havo harorati 36-39 daraja atrofida, janubda baʼzi joylarda
40-42 darajagacha boʻladi.
Ikkinchi va uchinchi oʻn kunliklarda harorat kechalari 22-25 darajadan 17-20 darajagacha, kunduz kunlari 35-38 darajadan 30-33 darajagacha oʻzgarib turadi.
Avgust oyi quruq boʻlishi kutilmoqda. Oylik yogʻingarchilik miqdori meʼyor atrofida, baʼzi joylarda meʼyordan kam boʻlishi prognoz qilinmoqda.
Oyning uchinchi oʻn kunligining ayrim kunlarida qisqa muddatli yomgʻir yogʻishi ehtimoli bor.
Oʻzbekistonda avgust yilning eng quruq oyidir.
Avgust oyida yomgʻirlar juda kam yogʻadi, hududning katta qismida oʻrtacha
1 kundan 3 kungacha biroz yomgʻir yogʻadi, oʻrtacha oylik yogʻingarchilik miqdori esa
1-2 mm dan, Fargʻona vodiysida 3-5 mm dan koʻp boʻlmaydi.
Togʻ oldi va togʻli hududlarda yomgʻir tez-tez yogʻadi va oʻrtacha oylik yogʻingarchilik miqdori baʼzi joylarda 12-15 mm ni, Fargʻona viloyati togʻlarida va Toshkent viloyatining baland togʻlarida 20-22 mm ni tashkil etadi.