Shavkat Mirziyoyev Diyora Keldiyorova bilan telefon orqali muloqot qildi
Prezident Oʻzbekiston tarixida yozgi Olimpiya oʻyinlarida ayollar oʻrtasida birinchi marta chempion boʻlgan sportchi qizni tabrikladi.
Shavkat Mirziyoyev dzyudochi Diyora Keldiyorova bilan telefon muloqoti qildi.
Prezident Shavkat Mirziyoyev Parijda oʻtayotgan yozgi Olimpiya oʻyinlarida dzyudo boʻyicha bellashuvlarning 52 kilogrammgacha vazn toifasida barcha raqibalarini yengib, olimpiya terma jamoamizga birinchi oltin medalni keltirgan Diyora Keldiyorova bilan telefon orqali muloqot qildi.
Davlat rahbari Oʻzbekiston tarixida yozgi Olimpiya oʻyinlarida ayollar oʻrtasida birinchi marta chempion boʻlgan sportchi qizni tarixiy gʻalaba bilan qizgʻin tabriklab, ota-onasi va murabbiylariga minnatdorlik bildirdi.
Eslatib oʻtamiz, Keldiyorova kosovolik raqibini yengib, Oʻzbekistonga ilk oltin medal taqdim etdi.